3 mamyrǵa arnalǵan aýa raıy: jańbyr, burshaq jáne qatty jel kútiledi
ASTANA. KAZINFORM — «Qazgıdromet» Qazaqstan aýmaǵy boıynsha 2026 jylǵy 3 mamyrǵa arnalǵan jalpy aýa raıy boljamyn jarııalady.
Boljamǵa sáıkes, jeksenbi kúni Qazaqstannyń basym bóliginde jańbyr jaýyp, naızaǵaı, burshaq jáne qatty jel kútiledi.
Tek soltústik jáne shyǵys óńirlerde antıtsıklonnyń áserinen jaýyn-shashynsyz aýa raıy saqtalady.
Respýblıka aýmaǵynda jel kúsheıedi, al ońtústik óńirlerde shańdy daýyl bolýy yqtımal.
Túngi ýaqytta Aqmola, Soltústik Qazaqstan jáne Pavlodar oblystarynyń batysynda 1–2 gradýsqa deıin úsik júrýi múmkin.
Sonymen qatar birqatar óńirlerde joǵary jáne óte joǵary órt qaýpi saqtalady. Olardyń qatarynda Pavlodar, Jambyl, Qaraǵandy, Aqtóbe, Shyǵys Qazaqstan, Soltústik Qazaqstan, Qyzylorda, Abaı, Jetisý jáne Ulytaý oblystarynyń keı aýmaqtary bar.
Jetisý oblysynyń ońtústik-shyǵysy men ońtústiginde órt qaýpi asa joǵary deńgeıde bolady.
Aıta keteıik, úsik júretinine baılanysty Qazaqstannyń barlyq óńirinde daýyldy eskertý jarııalandy.
