Sý bolǵan telefondy kúrishke salyp keptirý— mıf
ASTANA. KAZINFORM — Apple qoldanýshylardy sý bolǵan smartfondardy kúrishke salmaýǵa shaqyrdy, óıtkeni onyń kishkentaı bólshekteri qurylǵynyń ishine kirip, zaqymdaýy múmkin. Durysy — telefondy qurǵaq jerde qaldyrý, deıdi tehnologııalyq kompanııa.
Ǵalamtorda sý telefondy kúrishke salý kerek degen tanymal mıf bar jáne kóp adam solaı jasaıdy.
2014 jyly elektrondy qurylǵylardy jóndeý qyzmeti júrgizgen zertteý kúrish uıaly telefondy keptirýge kómektespeıtinin kórsetti. Zertteýshilerdiń aıtýynsha, qurylǵyny qurǵaq jerde qaldyrý — áldeqaıda tıimdi.
Mundaı jaǵdaıda Apple telefondy qýattaýǵa bolmaıtynyn aıtady, biraq smartfonnyń artqy jaǵy qurǵaq bolsa, symsyz zarıadtaǵyshty paıdalanýǵa bolady.
Eger iPhone sýlansa, ondaǵy «artyq suıyqtyqty ketirý úshin qosatyn jaǵyn tómen qaratyp» qolyńyzben túrtip, qurǵaq jerde qaldyryńyz. 30 mınýttan keıin ony qaıta qýattaýǵa bolady.
