43 el qatysqan stend atýdan Álem kýbogi Qazaqstanda ótip jatyr
ASTANA. KAZINFORM — Almaty oblysyndaǵy Aleksandr Asanov atyndaǵy mergender klýbynyń bazasynda stend atýdan ISSF Álem kýbogi kezeńiniń ashylý rásimi ótti. Bul týraly Týrızm jáne sport mınıstrligi málim etti.
Halyqaralyq týrnır el aýmaǵynda 2–11 mamyr kúnderi Halyqaralyq sporttyq atý federatsııasynyń qoldaýymen ótip jatyr. Jarysqa álemniń 43 elinen shamamen 550 sportshy men resmı ókil qatysyp jatyr.
Álem kýboginiń baǵdarlamasyna erler men áıelder arasyndaǵy trap, skıt, sondaı-aq aralas komandalyq jattyǵý — trap-mıks engizilgen.
Saltanatty rásimge Týrızm jáne sport mınıstri Erbol Myrzabosynov, Halyqaralyq sporttyq atý federatsııasynyń (ISSF) prezıdenti Lıýchıano Rossı, Eýropa mergender konfederatsııasynyń prezıdenti Aleksandr Ratner, sporttyq atý federatsııasynyń prezıdenti Berik Asylov, Almaty oblysynyń ákimi Marat Sultanǵazıev, sondaı-aq sport qaýymdastyǵy men halyqaralyq uıymdardyń ókilderi qatysty.
Іs-shara aıasynda Aleksandr Asanov atyndaǵy mergender klýbynyń aýmaǵynda ornalasqan jańa dene shynyqtyrý-saýyqtyrý kesheniniń ashylýy da ótti. Keshende trıbýnalary bar kópfýnktsııaly Final Hall oıyn zaly, basseıni bar sport blogy, semserlesý, jattyǵý, sondaı-aq jabyq pnevmatıkalyq tır zaly bar. Jańa nysan óńirdiń sporttyq ınfraqurylymyn keńeıtip, birneshe sport túri boıynsha sportshylardy daıarlaýǵa qosymsha múmkindik beredi.
Buǵan deıin qazaqstandyq semserlesýshiler Ońtústik Koreıadaǵy Gran-prıde baq synaıtynyn jazdyq.
