Sý basqan Qulsarynyń qazirgi jaıy qalaı

ASTANA. KAZINFORM - Atyraý oblysynyń Qulsary qalasynda qazirgi tańda tek 20 jeke turǵyn úı men 10 bıznes nysany sý astynda qalyp otyr, dep habarlaıdy QR TJM baspasóz qyzmeti. 

QR TJM qutqarýshy kúshteri 2900 úıden sý aıdaý jumystaryn júrgizgen bolatyn. Endi tek 20 jeke turǵyn úı men 10 bıznes nysany sý astynda qalyp otyr. 

Qalada avarııalyq-qutqarý jumystary jalǵasýda. Kadrlarda túrkistandyq qutqarýshylar toby ónimdiligi sekýndyna 500 lıtrdi quraıtyn jyljymaly sorǵy stantsııalarynyń kómegimen sýdy sorý jumystaryn júrgizýde. 

Óńirdiń evakýatsııalyq pýnktterinde 585 adam bar, olardyń 279-y balalar. Esterińizge sala keteıik, 2024 jyldyń 7 sáýirinen bastap oblysta jergilikti aýqymdaǵy tabıǵı sıpattaǵy TJ rejımi saqtalýda.