Stýdentti uryp óltirgen Asamov 8 jylǵa sottaldy
ALMATY. QazAqparat - Búgin Almatyda Qazaq ulttyq agrarlyq ýnıversıtetiniń 1-kýrs stýdentin óltirdi dep aıyptalǵan Toıshybek Asamovqa qatysty sot úkimi shyqty, dep habarlaıdy QazAqparat tilshisi.
Sýdıa Araı Nuǵymanova bir aıǵa sozylǵan iske núkte qoıdy.
«QR QK 106-babynyń 3-bólimi men 194-babynyń 2-bólimi boıynsha sottalýshy Asamov kinəli dep tanylyp, 8 jylǵa bas bostandyǵynan aırylsyn. Jazasyn qylmystyq atqarý júıesiniń qaýipsiz bóliminde ótesin», - dedi sýdıa.
Sondaı-aq onyń barlyq múlkin tərkileý týraly sheshim shyǵardy.
Aıta keteıik, qaıǵyly oqıǵa 12 sáýirde QazUAÝ jataqhanasynda bolǵan edi. Birinshi jáne ekinshi kýrsta oqıtyn 10-nan astam stýdent jataqhanada tóbelesip, sonyń saldarynan 17 jastaǵy Dıdar Bolysbek qaza bolǵan edi. Keıinirek polıtsııa atalǵan oqý ornynyń 2-kýrsynda oqıtyn 2 stýdentti ustady. Sot aldynda olardyń bireýi ǵana - Toıshybek Asamov jaýap berýde. Oǵan QR QK 106-babynyń 3-bólimi (adam densaýlyǵyna qasaqana aýyr nuqsan keltirý), QR QK 194-babynyń 1-bólimi (kúshtep múlkin tartyp alý) boıynsha aıyp taǵylyp otyr.
