Stýdent patsıentter men múgedek balalardy qorlaǵan

ASTANA. QazAqparat – Medıtsınalyq oqý orny stýdentiniń hospıs patsıentteri men múgedektigi bar balalardy qorlaý faktisi anyqtaldy. Bul týraly QR Bala quqyqtary jónindegi ýákil Dınara Zákıeva málim etti, dep habarlaıdy QazAqparat tilshisi.

«Іs búginde sońǵy satyda. Nátıjeleri boıynsha qorytyndy protsessýaldyq sheshim qabyldanatyn bolady. Sotqa deıingi tergeý aıaqtaldy. Sonymen qatar, kúdiktiniń advokaty materıaldarmen bir aı boıy tanysyp jatyr. Bas prokýratýramen baılanystamyn, is meniń baqylaýymda. Menińshe, mundaı is-áreketter zańnyń bar qatańdyǵymen qarastyrylýy kerek», - dep jazdy Dınara Zákıeva Facebook paraqshasynda.

Eske sala keteıik, buǵan deıin Dınara Zákıeva boksshy Beıbit Shúmenovtiń dámhanadaǵy janjalyna qatysty ony qylmystyq jaýapqa tartý kerek degen edi.

Sondaı-aq, ýákil ulttyq zańnamaǵa bala qaýipsizdigimen baılanysty ózgertýler engizýdi josparlap otyrǵanyn málimdedi.