Shymkenttegi chellendjer týrnıriniń jeńimpazy anyqtaldy
ASTANA. KAZINFORM – Shymkent qalasynda tennısten ekinshi ATP Challenger 50 týrnıri máresine jetti.
Jekeleı synda álemniń 357-raketkasy, belgııalyq Bývaısar Gadamaýrı úzdik shyqty.
Belgııalyq tennısshi fınalda reıtıngide 444-oryndaǵy úndistandyq Manas Manodja Dhamnemen chempıondyq ataqty sarapqa saldy.
Birinshi partııada taı-breıkte Gadamaýrı tabandylyq tanytty – 7:6 (8:6). Ekinshi set te 6:4 esebimen onyń paıdasyna sheshildi.
Bir saǵat 52 mınýtqa sozylǵan tartysty básekede B.Gadamaýrı 4 eıspen birge 9 breık-poınttyń beseýin qur jibergen joq. Úndistandyq sportshy 1 eıs, 4 breıkpen (11 breık-poınt) shekteldi.
Keshe juptyq synda horvatııalyqtar Admın Kalender – Mılı Polıchak top jardy. Olar sońǵy matchta norvegııalyq Vıktor Dýrasevıch – germanııalyq Kaı Veneltti qapy qaldyrdy – 6:2, 6:7, 10:5.
Osylaısha, Shymkentte 19 sáýirde bastalǵan qos birdeı jarys aıaqtaldy. Dodalarǵa álemniń 25-ten astam elinen tennısshiler qatysyp, baq synady.
Eske sala keteıik, budan buryn 14 jasar Ahmadı Maqanovtyń Qytaıdaǵy týrnırdiń jeńimpazy atanǵanyn jazǵan bolatynbyz.
