Strandja-2025: Qazaq boksshysy qytaılyq qarsylasynan jeńilip qaldy

ASTANA. KAZINFORM — Bolgarııa astanasy Sofııa qalasynda ótip jatqan dástúrli halyqaralyq Strandja týrnıri aıasynda el namysyn qorǵap jatqan qazaqstandyq boksshy Nurlan Saparbaı qytaı boksshysynan jeńilip qaldy.

Naqtyraq aıtsaq, 92 keliden asa salmaqtaǵy Nurlan Saparbaı Qytaı boksshysy Jenveı Vangpen aıqasty. Nátıjesinde úsh raýnd qorytyndysy boıynsha otandasymyz qytaılyq boksshydan taza jeńildi. Esep - 5:0. 

Aıta keteıik, osyǵan deıin 92 keliden joǵary salmaqta ulttyq qurama kapıtany Aıbek Oralbaı jartylaı fınalǵa shyqqanyn jazǵan bolatynbyz.

Sondaı-aq, osyǵan deıin Bekzat Nurdáýletov pen Nurbek Oralbaı jartylaı fınalǵa shyqqany týraly jazdyq.

Sonymen qatar búgingi kúndizgi sessııada qazaqstandyq burymdy boksshylardan kimder jetistikke jetip, kimder jeńilis tapqanyn jazǵan edik.