Sot oryndaýshylardyń óndirisinde 273 136 alıment isi jatyr
«Ádilet mınıstrliginiń deregi boıynsha, búgingi tańda sot oryndaýshylardyń óndirisinde 273 136 alıment isi jatyr. Onyń 16 345-i nemese 6%-y problemalyq is bolyp esepteledi. Bul sany turaqty emes (boryshkerler qaryzyn tóleıdi nemese eki tarap tatýlasady jáne t.b.). Bul jerde sot oryndaýshylary májbúrli oryndaý sharalaryn tolyq kólemde qamtamasyz etý kerek. Onyń ishinde boryshkerlerdi ákimshilik (2022 j. - 4 065 tulǵa, 2023 j. 1 toqs. - 1094) jáne qylmystyq (2022 j. – 260, 2023 j. 1 toqs. -74) jaýapkershilikke tartý sharasy da bar», - dep jazady Úkimet basshysy.
Onyń málimeti boıynsha, 2020 jyldyń shildesinen bastap sot oryndaýshylarynyń áleýmettik mańyzy bar isterdi basymdyqpen atqarý baǵytyndaǵy jaýapkershiligi kúsheıtildi. Ondaı isterdiń ishinde alımentpen baılanysty ister de bar.
«Alıment tólemeýdiń negizgi sebebi boryshkerde turaqty aılyqtyń, basqa da kiristerdiń jáne múliktiń bolmaýy bolyp esepteledi. Aýmaqtyq organdar búkil óńirlerdegi jergilikti atqarýshy organdarmen jumys istemeıtin alıment boryshkerlerdiń bárin jumyspen qamtý týraly memorandýmdar jasasqan. Qolda bar statıstıka boıynsha, 2021 jyly 2 224 boryshker, 2022 jyly – 2 150, 2023 jyldyń birinshi toqsanynda – 601 boryshker jumysqa ornalasqan», - delingen jaýapta.
