Sot Almaty oblysyndaǵy túrmeniń burynǵy bastyǵyna úkim kesti

ASTANA. KAZINFORM — Qonaev qalasynyń soty № 57 QAJD mekemesiniń burynǵy bastyǵy P.Pısarev jáne № 12 QAJD mekemesiniń jedel bóliminiń bastyǵy E. Bólekbaıǵa para alý isi boıynsha úkim shyǵardy, dep habarlaıdy Almaty oblysy prokýratýrasy.

Oblystyq prokýratýranyń arnaıy prokýrorlary jazasyn óteýdegi sottalǵandarǵa qamqorlyq kórsetý jáne olarǵa tyıym salynǵan zattardy birneshe ret kedergisiz alyp ótý úshin para alǵanyn dáleldedi.

— Sotpen tergeý barysynda jınalǵan dáleldemeler qarastyrylyp, P.Pısarev keltirilgen aıyppen kináli dep tanylyp, 9 jylǵa bas bostandyǵynan aıyryldy, al sottalýshy E.Bólekbaı keltirilgen aıyppen kináli dep tanylyp, 3 jylǵa bas bostandyǵynan aıyrylyp, jazalaryn qylmystyq atqarý júıesiniń orta qaýipsiz mekemesinde óteý belgilendi, — delingen habarlamada.

Bundaı pretsedent sybaılas jemqorlyq qylmystary úshin jazanyń bultartpastyǵyn kórsetedi.

Buǵan deıin habarlaǵanymyzdaı, Erlan Qarın jemqorlyqpen kúres boıynsha birqatar tapsyrma berdi.