Sońǵy úsh jylda 14 sábı poıyzda dúnıege kelgen
ASTANA. KAZINFORM – Poıyz jolserikteri jolaýshylarǵa alǵashqy medıtsınalyq kómek kórsetýmen qatar qajet bolǵanda júkti áıelderdi bosandyryp alady.
«Jolserikterdiń biliktiligin arttyrýǵa erekshe mán beremiz. Bul baǵytta jolserikterge arnalǵan trenıg, semınarlar uıymdastyrylady, onyń ishinde ádep etıkasy, standartty qyzmet kórsetý, emotsııany basqara bilý, kúızeliske tótep berý taǵy sol sııaqty. Qyzmetkerlerdi bul qasıetterdi jumys barysynda qoldaný úshin úıretemiz, sebebi jolserikter poıyzda túrli jaıttarǵa tap bolyp jatady», – dedi «Jolaýshylar tasymaly» AQ basqarma tóraǵasy Jánibek Taıjanov atalǵan vedomstvoda ótken baspasóz máslıhatynda.
Ótken jyly 3 myńnan astam jolserik biliktiligin jetildirgen.
«Sonymen qatar bizdiń qyzmetkerler qajet jaǵdaıda alǵashqy medıtsınalyq kómek kórsete alady. Sońǵy úsh jyldyń ishinde poıyzdarda 14 náreste dúnıege keldi, olardy bizdiń jolserikter bosandyryp aldy», - deıdi basqarma basshysy.
