Soltústik Koreıa ballıstıkalyq zymyran ushyrdy

ASTANA. KAZINFORM – Soltústik Koreıa Japon (Shyǵys) teńizi baǵytyna keminde bir belgisiz ballıstıkalyq zymyran ushyrdy, dep habarlaıdy Kazinform Yonhap agenttigine silteme jasap.

Bul týraly Ońtústik Koreıanyń Birikken shtabtar bastyqtary komıteti (JCS) málim etti.

Jergilikti ýaqytpen tańǵy saǵat 8:20-da joldanǵan habarlamaǵa sáıkes, zymyrannyń ushyrylǵany tirkelgen, alaıda qazirgi ýaqytta qosymsha málimetter jarııalanǵan joq.

Bul Soltústik Koreıanyń maýsym aıynda Ońtústik Koreıanyń jańa prezıdenti Lı Chje Men qyzmetine kiriskennen keıingi alǵashqy zymyran ushyrýy bolyp otyr. Buǵan deıin Phenıan 8 jáne 22 mamyr kúnderi qysqa qashyqtyqqa ushatyn ballıstıkalyq jáne qanatty zymyrandaryn ushyrǵan edi.

Aıta keteıik, bul zymyran ushyrý aldaǵy ýaqytta ótetin Azıattyq-Tynyq muhıttyq ekonomıkalyq yntymaqtastyq (ATMEY) sammıtiniń aldynda oryn alyp otyr. Atalǵan sammıt Ońtústik Koreıada 31 qazan men 1 qarasha aralyǵynda ótedi dep josparlanǵan.

Eske sala ketsek, Soltústik Koreıa Qytaı mańynda qupııa baza salǵanyn habarlaǵanbyz.

Sondaı-aq Soltústik Koreıa Ońtústik Koreıamen shekarada habar taratýdy toqtatty.