Soltústik Qazaqstanda belsendirilgen kómir shyǵarylady
PETROPAVL. QazAqparat - Soltústik Qazaqstan oblysy ákimdiginde aǵash súregin óńdeý perspektıvalary sóz boldy, dep habarlaıdy QazAqparat tilshisi.
Tabıǵı resýrstar jáne tabıǵat paıdalanýdy retteý basqarmasynyń basshysy Qabıden Sádýaqasov tsehtarda jyl saıyn 100 myń tekshe metr jergilikti aǵash súregi óńdeletinin jetkizdi.
Onyń aıtýynsha, bul kórsetkish jyl saıyn artyp keledi.
«Jyl basynda «LesPromÝgol» JShS ónimderiniń alǵashqy partııasyn eksportqa shyǵardy. Aǵash súregin tereńdete óńdeýdiń nátıjesinde belsendirilgen kómir (aktıvırovannyı ýgol) alýǵa qol jetkizilgen. Ony fıltrleýde, medıtsınada, farmatsevtıkada, hımııa jáne azyq-túlik ónerkásibinde paıdalanady», - deıdi Q. Sádýaqasov.
Byltyr «Green Woodwork Technology» JShS 300 mln tenge grant alǵan bolatyn. Sol qarjyǵa kásiporyn kesilgen aǵash qaldyqtaryn óńdeıtin zaýyt salmaqshy.
Taǵy bir orman paıdalanýshysy «ABD-Ormany» byltyr aǵash súregin ázirleıtin zamanaýı Harvester jáne Forvarder tehnıkasyn alyp, jylyjaı salýdy qolǵa alǵan. Bıyl aǵash súregin óndiretin zaýyttyń qurylysyna kirisedi.
Soltústik Qazaqstan oblysynda, jalpy 25 kásiporyn aǵash óńdep, súrek shyǵarýmen aınalysady.
Avtory: Olesıa Jýkoven
