Sofıa Berýltsevanyń jartylaı fınaldaǵy qarsylasy kim

TOKIO. QazAqparat - Tokıo Olımpıadasynda qazaqstandyq Sofıa Berýltseva (61 keli) karate-dodan jartylaı fınaldaǵy qarsylasy anyqtaldy, dep habarlaıdy QazAqparat tilshisi.

Endi qazaqstandyq sportshy mysyrlyq Ferıal Ábdelázızben sheberlik baıqasady. Kezdesý shamamen elorda ýaqytymen 16:20-ge belgilengen.

Ferıal Ábdelázız 1999 jyly dúnıege kelgen. 2018 jyly álem chempıonatynda qola júldeger atanǵan. 2019 jyly Afrıka oıyndarynda kúmis júldeger boldy.

Sofıa Berýltseva 2000 jyly dúnıege kelgen. Ázirge halyqaralyq deńgeıde tabysqa qol jetkize qoıǵan joq.

Eske salsaq, ol tórt jekpe-jek ótkizdi. Onyń ekeýinde Sılvııa Semerarony, ázerbaıjandyq Irına Zaretskaıany jeńse, túrkııalyq Meltem Hodjaoǵlymen teń túsip, japonııalyq Aıýmı Ýekýsaǵa ese jiberdi.

Osylaısha bes upaımen A tobynda ekinshi oryn aldy. Top basynda turǵan Irına Zaretskaıanyń alty upaıy bar.

Aıta keteıik,budan buryn karate-dodan Darhan Asadil Olımpıadanyń qola júldesin aldy.

Foto: Vladıslav Semenov, Qazaqstan UOK