SQO-nyń úsh aýdanynda joǵalǵan malshylar tabyldy

Soltústik Qazaqstan oblysynda 18 qarashada úsh aýdanda mal baǵyp júrgen er adamdar joǵalyp ketti, dep habarlaıdy Kazinform.

Tótenshe jaǵdaılar departamentiniń baspasóz qyzmetiniń málimetinshe, Tımırıazev aýdany Stepnoı aýylynyń 39 jastaǵy turǵyny saǵat 18:46-da joǵalyp ketken. Ony izdeýge toǵyz adam jáne tórt birlik tehnıka jumyldyryldy. Er adam úıge saǵat 23:36-da oraldy.

Aıyrtaý aýdanynda saǵat 22:44-ten bastap keshki saǵat 19.00-de mal izdep ketken 50 jastaǵy er adamǵa izdeý salyndy. Búgin saǵat 3:28-de ol Antonovka aýylyna óz betinshe jetti. Ony 12 qutqarýshy men polıtsııa qyzmetkeri izdegen. 

Jambyl aýdanynda 60 jastaǵy er adam keshki saǵat 22.00 shamasynda Maıbalyq jáne Ýkraınka aýyldarynyń arasynda joǵalyp ketti. Aýyl turǵyny da mal baǵýǵa shyqqan. Ony týystary dalada túngi saǵat 01.00 shamasynda tapty.

Іzdeý jumystaryna qutqarýshylar men polıtseıler jumyldyryldy.