SQO-daǵy Sasyqkól kóliniń ataýyn ózgertý usynyldy

PETROPAVL. QazAqparat – Soltústik Qazaqstan oblysy Taıynsha aýdanyndaǵy Sasyqkól kóliniń ataýy ózgerýi múmkin. Mundaı usynys ashyq talqyǵa shyǵarylǵan Úkimettiń tıisti qaýlysynda kórsetilgen, dep habarlaıdy QazAqparat tilshisi.

«Soltústik Qazaqstan oblysy Taıynsha aýdany Krasnopolıan aýyldyq okrýgi aýmaǵynda ornalasqan Sasyqkól kóliniń ataýy Márııamkól kóli bolyp atalsyn», - delingen qaýlyda .

Qaýly 22 qyrkúıekke deıin ashyq talqylaýǵa shyǵarylǵan. Keıin kóldiń ataýyn ózgertý týraly sheshim kúshine enedi.

Aıta ketsek, buǵan deıin Aqmola oblysynyń Ereımentaý aýdanyndaǵy Novomarkovka aýylynyń ataýyn Maılan etip ózgertý usynylǵan bolatyn. Bul usynys ta 22 qyrkúıekke deıin halyq talqysynda bolady.