SQO-da jol-kólik oqıǵasynda tórt adam mert boldy
PETROPAVL. KAZINFORM — Soltústik Qazaqstan oblysynda «Astana — Petropavl» avtojolynda «Toyota Camry» jáne «Shacman» avtokólikteri soqtyǵysty.
Oqıǵa ornynan beınejazba áleýmettik jelide tarady. Qatty soqqydan eki kólik te jol shetine shyǵyp ketken.
SQO polıtsııa departamentiniń málimetinshe, apat saldarynan jeńil avtokóliktiń júrgizýshisi men onyń úsh jolaýshysy mert boldy. Osy oqıǵaǵa qatysty qylmystyq is qozǵaldy.
Aldyn ala málimetterge sáıkes, Toyota Camry avtokóliginiń júrgizýshisi joldyń qarsy baǵytyna shyǵyp, qarsy kele jatqan júk kóligimen soqtyǵysqan.
Polıtsııa departamenti jol qozǵalysy erejelerin qatań saqtaýǵa shaqyrady. Jyldamdyqty arttyrý, qarsy qozǵalys jolaǵyna shyǵý jáne qaýipti manevrler aýyr saldarǵa ákelýi múmkin.
Byltyr SQO aýmaǵynda 600-ge jýyq jol-kólik oqıǵasy tirkelip, 47 adam kóz jumdy, 793 adam jaraqat aldy. Apattardyń 117-si respýblıkalyq mańyzy bar joldarda bolǵan.
Buǵan deıin «Batys Eýropa — Batys Qytaı» avtojolynyń Túrkistan oblysy aýmaǵyndaǵy bir bóliginde birneshe kóliktiń qatysýymen jol-kólik oqıǵasy bolǵanyn jazǵan edik.