14 jasar Ahmadı Maqanov Qytaıdaǵy týrnırdiń jeńimpazy atandy
ASTANA. KAZINFORM — Qazaqstandyq tennısshi, 14 jastaǵy Ahmadı Maqanov Qytaıdyń Chendý qalasynda máresine jetken ITF World Tennis Tour Juniors J60 týrnırinde ozyq shyqty.
Ahmadı fınalda Qytaı Taıbeıiniń ókili K.Maodan basym tústi. Tartysty ótken matchta A.Maqanov 6:2, 6:4 esebimen jeńiske jetti.
A.Maqanov 2025 jyldyń qorytyndysy boıynsha Eýropa tennıs qaýymdastyǵynyń (Tennis Europe Tour) bedeldi «Jyldyń úzdik sheteldik oıynshysy» marapatyna ıe bolǵan edi.
Taǵy bir qazaqstandyq, WTA reıtıngisinde 1 465-orynda turǵan Sandýǵash Kenjebaeva juptyq synda Lýan (Qytaı) ITF W15 týrnıriniń fınalyna deıin jetti.
Qazaqstandyq sportshy reseılik Marııa Kalıakınamen birge fınalda qytaılyqtar Chen Ijý – Ma Josımen chempıondyq ataqqa talasty.
Sońǵy básekede qazaqstandyq-reseılik jup 5:7, 6:4, 9:11 esebimen ese jiberdi.
Eske sala keteıik, budan buryn Sandýǵash Kenjebaevanyń Qytaıdaǵy týrnırdiń fınalyna shyqqanyn jazǵan edik.
Sondaı-aq qazaqstandyq tennısshiler Ispanııadaǵy jarysta úzdik shyqty.
