SQO-da shyrsha satýshylar baqylaýǵa alyndy

PETROPAVL. KAZINFORM — Soltústik Qazaqstan oblysynda qylqan japyraqty aǵashtardyń zańsyz kesilýine jol bermeý maqsatynda «Shyrsha» jedel-profılaktıkalyq is-sharasy bastaldy. 

Petropavlda mereke qarsańynda shyrsha-qaraǵaı satqandar kóbeıdi. Jeke kásipker Dmıtrıı Shtrebeldiń aıtýynsha, óńirge qylqan japyraqty aǵashtar Reseıden, sonyń ishinde Bashqurtstannan ákelinedi.

— Tálimbaqtarda arnaıy ósiriledi. Qalyń jerlerin sıretip, satýǵa shyǵarady. Aǵashtyń bıiktigine baılanysty baǵasy 6 myń teńgeden bastalyp, 15 myń teńgege deıin jetedi, — deıdi Dmıtrıı Shrebel.

Shyrsha satýshylardyń qolynda aǵashtyń qaıdan ákelingendigi týraly jáne satýǵa ruqsat beretin qujat bolýy tıis. Osyǵan oraı polıtseıler, ákimdik ókilderi men qoǵamdyq belsendileri búgin bastalǵan «Shyrsha» jedel-profılaktıkalyq is-sharasy aıasynda saýda oryndaryn tekserip jatyr.

Reıdter Petropavldy ǵana emes, oblys aýmaǵyn da qamtyp, 31 jeltoqsanǵa deıin jalǵaspaq.

— Barlyq satýshylardyń ruqsat qujattary talapqa saı bolǵanymen, Ýkraın jáne N. Nazarbaev kóshelerinde eki adam belgilenbegen jerde saýda jasaǵan. Aıta ketý kerek, bul tyıym tek shyrsha saýdasyna ǵana qatysty emes: jyl basynan beri osyndaı quqyq buzýshylyqqa 1200-den astam adam jol bergen, olardyń 52-sine aıyppul salyndy, qalǵandaryna eskertý jasaldy, — deıdi Petropavl qalalyq polıtsııa basqarmasynyń bastyǵy Marat Jumalıev.

Buǵan deıin SQO-da shyrshalardy brakonerlerden qorǵaý úshin statsıonarlyq beketter qurylǵanyn jazǵan edik.