SQO-da shetelden kelgen 30 adam karantınde jatyr
PETROPAVL. QazAqparat – Soltústik Qazaqstan oblysy koronavırýs indeti anyqtalǵan joq. Shetelden kelgen turǵyndardy dárigerler baqylaýǵa aldy, dep habarlaıdy QazAqparat tilshisi.
SQO taýarlar men kórsetiletin qyzmetterdiń sapasyn baqylaý departamenti baspasóz qyzmetiniń málimetinshe, 20 naýryzdaǵy jaǵdaı boıynsha 1«a» sanatyna jatatyn elderden, ıaǵnı Germanııadan – 5, Ispanııadan - 3 adam kelgen. Olar oblystaǵy karantındik statsıonarlarǵa jatqyzyldy.
Dárigerler 14 kún boıy bul adamdardyń densaýlyǵyn baqylaýda ustaıdy. 1«b» sanatyna jatatyn Polshadan 4 adam kelip, búginde olar úı jaǵdaıynda karantınge alyndy. 2 sanattaǵy shet elderden oblysqa 18 adam keldi. Olardyń 11 - BAÁ, 5 – Taılandtan, 1- Ulybrıtanııadan jáne 1 adam – AQSh-tan. Mamandar olardyń jaǵdaıyn qashyqtan, kúndelikti telefon arqyly bilip otyr.
«Shetten kelgen azamattar sanıtarly-karantındik baqylaýǵa alynady. Reseı Federatsııasymen shekaradaǵy avtoótkelderde shekara qyzmeti barlyq azamattardyń, sonyń ishinde QHR-dan, qolaısyz elderden kelgenderdiń málimetterin alyp, bizdiń departamentke jiberedi. Biz óz kezegimizde olardy medıtsınalyq baqylaýdan ótkizemiz», - deıdi SQO taýarlar men kórsetiletin qyzmetterdiń sapasyn baqylaý departamentiniń bólim basshysy Kúlpash Talasbaeva.
