SQO-da sáýir aıynda aýa raıy qandaı bolmaq

PETROPAVL. KAZINFORM – Soltústik Qazaqstan oblysynda sınoptıkterdiń boljamyna sáıkes, sáýir aıynda ortasha aýa temperatýrasy +4…+7°C shamasynda bolady. Bul – kópjyldyq normadan shamamen 1 gradýsqa joǵary.

«Qazgıdromet» kásiporny oblystyq fılıalynyń málimetinshe, aıdyń birinshi onkúndiginde aýa temperatýrasy qubylmaly bolady. Kúndiz aýa +16…+19 °C-qa deıin jylynsa, túnde 0…+10 °C aralyǵynda bolady.

Ekinshi jáne úshinshi onkúndikte aýa temperatýrasy birtindep kóteriledi. Túnde -2…-5 °C-tan +15…+18 °C-qa deıin joǵarylaıdy. Al kúndiz synap baǵanasy -1…+3 °C-tan +18 °C-qa deıin kórsetedi. Tek aı sońynda sýyq aýa aǵyny baıqalyp, keı jerlerde túnde -2 °C-qa deıin tómendeýi múmkin, al kúndiz +5…+10°C shamasynda bolady.

Sáýir aıyndaǵy jaýyn-shashyn mólsheri kópjyldyq normaǵa sáıkes 17-33 mm bolady. Jańbyr jıi, biraq az mólsherde jaýady.

Sonymen qatar keı kúnderi ekpini sekýndyna 28 metrge deıin jetetin jel turýy múmkin. Keı aımaqtarda shańdy daýyldar bolady dep boljanǵan.

Buǵan deıin SQO-da erigen qar sýy joldy shaıyp ketkenin jazǵan edik.