SQO-da sabyn óndiretin zaýyt ashylmaq
PETROPAVL. QazAqparat - Soltústik Qazaqstan oblysyndaǵy «Radýga» JShS - halyq tutynatyn taýarlardyń qazaqstandyq iri óndirýshileri men dıstrıbıýtorlarynyń biri. Kompanııa alǵashqylardyń biri bolyp «Protecting business and Investments» jobasyna qatysýǵa nıet etti, dep habarlaıdy QazAqparat tilshisi.
Soltústik Qazaqstan oblysynda issaparmen júrgen Memlekettik qyzmet isteri jáne sybaılas jemqorlyqqa qarsy is-qımyl agenttiginiń Tóraǵasy Alık Shpekbaev «Radýga» JShS kásipornyna bardy. Bul zaýyt oblysta alǵashqylardyń biri bolyp sybaılas jemqorlyqqa qarsy joba aıasynda jumys isteýge kelisim jasasty. Kompanııa qyzmetkerleri sondaı-aq sybaılas jemqorlyqqa qarsy oqýdan ótti.
Kásiporyn azyq-túlik, plastmassa jáne metall buıymdary, turmystyq hımııa ónimderin shyǵarady. Budan basqa qoqysty bólek jınap, qaıta óńdeýmen aınalysady. JShS bas dırektory Dmıtrıı Sharapaevtyń aıtýynsha, jaqyn arada oblys turǵyndaryn jergilikti sabynmen tolyq qamtamasyz etetin óndiristi jolǵa qoıý josparlanǵan.
Kompanııanyń Qazaqstannyń iri qalalarynda damyǵan dıstrıbıýterlik jelisi bar. JShS tsehtarynda óndirilgen taýarlardy Reseı men Qytaı dúkenderinen de satyp alýǵa bolady.
Aıta ketý kerek, ótken jyldyń sońynda «Radýga» JShS «Altyn SAPA - 2018» syılyǵynyń «Halyq taýarlaryn shyǵaratyn úzdik kásiporyn» atalymyna ıe boldy. Sondaı-aq, halyqtyń daýys berý nátıjesi boıynsha «Úzdik kásipker» nomınatsııasynda "Radýga" JShS Bas dırektory laýreat atandy.
Foto:promtu.ru
