SQO-da ózenderdiń deńgeıi kóterilip keledi

PETROPAVL. KAZINFORM — Soltústik Qazaqstan oblysynda 28-30 naýryz aralyǵynda jyly aýa raıynyń saqtalýyna baılanysty eskertý jarııalandy.

«Qazgıdromet» kásiporny oblystyq fılıalynyń málimetinshe, osy aralyqta óńirde kúndiz +12…+17 S aralyǵynda, túnde 0…+5 S shamasynda jyly bolady. Bul qar men ózen-kólderdegi muzdyń qarqyndy erip, saldarynan sýdyń kóterilýine ákelmek. Jaıylǵan sýdyń avtojoldardy basý qaýpi bar.

Búgingi gıdrologııalyq monıtorıng derekteri boıynsha, oblys aýmaǵyndaǵy shaǵyn ózendermen qatar, negizgi sý arterııasy — Esil ózeniniń de deńgeıi birtindep kóterile bastady. Máselen Sokolovka eldi mekeni mańynda Imanburlyq ózeniniń deńgeıi bir táýlikte 39 sm-ge, Vozvyshenka aýylynyń mańynda Aqqanburlyq 11 sm-ge, Rýzaevka eldi mekeniniń mańynda Sharlyq ózeni 9 sm-ge artqan. Esil ózeniniń 2-10 sm-ge kóterilgeni tirkeldi.

Sergeevka sý qoımasynda táýlik ishinde sý deńgeıi 1 sm-ge ózgergen. Qazir nysan 95,8% tolyq. Petropavldaǵy sý qoımasynda deńgeıi 5 sm-ge kóterildi.

Buǵan deıin SQO-da erigen qar sýy joldy shaıyp ketkenin jazǵan edik.