SQO-da ónertapqysh balalardyń forýmy ótti

PETROPAVL. QazAqparat – Soltústik Qazaqstan oblysynda jas tehnıkter men ónertapqyshtardyń forýmy ótti. Araǵa eki jyldy salyp qaıta uıymdastyrylǵan dástúrli kórmege jasóspirimder 8 baǵyt boıynsha jumystaryn usyndy, dep habarlaıdy QazAqparat tilshisi.

Petropavldaǵy oblystyq balalar men jasóspirimder shyǵarmashylyǵy ortalyǵynda ótken forým ár aýdannyń úzdik ónertapqyshtary men jas tehnıkterin jınady.

Sonyń biri - SQO Jambyl aýdanynyń turǵyny Nurıslam Saılaý. Jasóspirim baıqaýǵa ózi jasaǵan órt sóndirý ushaǵyn ákelgen.

Áýe kóligin jasaýǵa jaqynda Qostanaıda bolǵan alapat órt túrtki bolypty.

«Kórshi oblysta bolǵan órt jaıynda teledıdardan kórdim. Jalynmen arpalysta avıatsııanyń kómegi zor boldy. Sondyqtan olardyń qurmetine órt sóndirý ushaǵyn isteımin dep sheshtim. Ol tolyq aǵashtan jasalǵan. Tapjylmaı otyryp, 3-4 saǵatta jasap shyqtym», - deıdi Nurıslam Saılaý.

Oblystyq forýmǵa 34 jasóspirim qatysyp, óz týyndylaryn ákelgen.

Balalar sý, áýe, avtokólikterdi, aýyl sharýashylyǵy tehnıkasyn, túrli ǵımarattar men qurylystardyń úlgilerin de ákelgen.

Olar qazylar aldynda jobalaryn qorǵap, jumystarynyń erekshelikterine, ǵylymı jańashyldyqtaryna toqtady.

ıAǵnı balalardyń jumysy ǵana emes, olardyń jurt aldynda ózin ustaýy, suraqtarǵa saýatty jaýap berýi, jobasyn qyzyqty tanystyrýy da esepke alyndy.

«Forým 7-11 synyp jáne kolledj oqýshylary arasynda uıymdastyryldy. Balalar 8 nomınatsııa boıynsha jumystaryn usyndy. Ákelgen eńbekteri bir-birin qaıtalamaıdy, ishinde asqan yjdaǵattylyqpen jasalǵan jumystar bar. Mundaı baıqaý-forýmdar kerek, balalardyń oıyna qanat bitiredi, ıdeıa alady, tájirıbe jınaıdy», - deıdi SQO balalar men jasóspirimder shyǵarmashylyǵy ortalyǵynyń bólim meńgerýshisi Saıan Ermek.

Jeńimpaz jasóspirim respýblıkalyq baıqaýǵa joldama almaq.