SQO-da kvadrotsıkl aýdarylyp, 4 jasar bala mert boldy
PETROPAVL. KAZINFORM – Soltústik Qazaqstan oblysynda er adam óz aýlasynda kvadrotsıkldi aýdaryp alyp, saldarynan qasynda otyrǵan 4 jasar bala mert boldy.
SQO Polıtsııa departamenti baspasóz qyzmetiniń málimetinshe, oqıǵa 19 qyrkúıek kúni saǵat 10.30 shamasynda bolǵan. Aqqaıyń aýdanynyń 56 jastaǵy turǵyny óz úıiniń aýlasynda «POLARIS» markaly kvadrotsıkldi basqara almaı, aýdarylyp qalǵan. Saldarynan jolaýshy - 4 jasar bala aýyr jaraqat aldy. Birden ortalyq aýdandyq aýrýhana jetkizilgenimen, dárigerler bala ómirine arasha túse almady. Kvadrotsıkldiń júrgizýshisi de aýrýhanaǵa jetkizildi.
«QR Qylmystyq kodeksiniń «Abaısyzda adam ólimine ákep soqqan kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha sotqa deıingi tergeý bastaldy Qazir istiń mán-jaıy tergelip jatyr», - delingen baspasóz habarlamasynda.
Buǵan deıin SQO-da 11 jasar qyzǵa anasy ashý ústinde pyshaq suǵyp alǵanyn jazǵan edik. Jasóspirim qazir oblystyq balalar aýrýhanasynda em alyp jatyr.