Alma-Arasan shatqalynda jasóspirim jartastan qulap ketti
ASTANA. KAZINFORM — Almaty qalasy Bostandyq aýdanynda, Alma-Arasan shatqalynda, Terra alańy mańynda aldyn ala málimet boıynsha jasóspirim jartastan qulap, aıaǵyn jaraqattap aldy. Bul týraly TJM-niń baspasóz qyzmeti málim etti.
— Oqıǵa kýágerleri qutqarýshylardan kómek suraǵan. Habarlama túskennen keıin QR TJM «Barys» respýblıkalyq qutqarý qyzmetiniń qutqarýshylary Almaty qalasy TJD Qutqarý qyzmetimen birlesip oqıǵa ornyna jedel túrde shyqty. Alma-Arasan pansıonaty mańyna jetken soń, olar joldy jaıaý jalǵastyrdy. Taýly aımaqpen kóterilý shamamen 2,5 saǵatty aldy. Qutqarýshylar zardap shekkendi jedel túrde taýyp, onyń 15 jastaǵy jasóspirim ekenin anyqtady, — delingen habarlamada.
Vedomstvonyń málimetinshe, zardap shekken balaǵa qajetti kómek kórsetilip, tasymaldaý jumystaryn bastaǵan. Jasóspirim evakýatsııalanyp, Apattar medıtsınasy ortalyǵynyń brıgadasyna tapsyrylǵan.
Eske sala keteıik, buǵan deıin qutqarýshylar Bozjyra mańynda balshyqqa batqan eki týrıstik avtobýsty shyǵarǵanyn jazǵan edik.
