SQO-da kópbalaly otbasylarǵa 226 páter salynady
SQO ákimdiginiń kezekti jıynynda óńir basshysy Qumar Aqsaqalov Elbasynyń tapsyrmasyna oraı, oblysta kópbalaly otbasylardy qoldaýǵa baılanysty atqarylatyn jumystardy tizbektedi. Osy maqsatqa alǵash ret Ulttyq qordan 1,3 trln teńge bólinse, jalpy - 2,3 trln teńge qarastyrylǵan.
Nátıjesinde 20 789 teńge járdemaqy alatyn otbasylardyń sany 2115-ten 3225-ke jetedi. Asyraýynda múgedek balalary bar 2 myńǵa jaqyn otbasynyń aı saıynǵy alatyn áleýmettik járdemaqysy 30% artyp, 31 183 teńgeden 41 578-ge kóbeımek.
Kópbalaly otbasylardyń 3,6 myń balasy mektepte tegin tamaqtanady. Sondaı-aq bıýdjet esebinen 1,5 myń bala qajetti kıim-keshekpen jáne oqý quraldarymen qamtamasyz etiledi. Kolledjderde oqıtyn 1,3 myń stýdentke memlekettik áleýmettik tólem jasalady.
Budan basqa «Nurly jer» baǵdarlamasy boıynsha elimizde osy sanatqa jatatyn otbasylarǵa 40 myń jaldamaly páter salynbaq.
«SQO-da 341 kópbalaly otbasy jaldamaly páterge kezekte tur. Bıyl Petropavl qalasynda kóp qabatty 3 úıdi - 226 páterdi salyp bermekshimiz. Osylaısha jartysynan kóbin bıyl qajetti baspanamen qamtımyz. Sondaı-aq ákimderge páterge muqtaj kópbalaly otbasylardy anyqtaý úshin úı-úıge júrýdi tapsyramyn», - dedi Qumar Aqsaqalov.
Budan buryn aıtqanymyzdaı, Elbasynyń tapsyrmasyna oraı kópbalaly otbasylarǵa bıyl 2-3% ıpotekalyq nesıe de berilmekshi. 10% bastapqy jarnasy jergilikti bıýdjet esebinen qarjylandyrylady.