SQO-da Esil ózeniniń sýy kóterilip keledi

PETROPAVL. KAZINFORM – Soltústik Qazaqstan oblysynda Esil ózeniniń sýy Shóptikól aýylynyń janynda 4 saǵat ishinde 41 sm-ge kóterildi. 

СҚО-да Есіл өзенінің суы көтеріліп келеді
Фото: Рrimeminister.kz

«Qazgıdromet» kásiporny oblystyq fılıalynyń málimetinshe, kúnniń jylynýynan qar men muz qarqyndy erip, ózenderdiń sý deńgeıi kóterilip keledi. Máselen, búgingi saǵat 8.00-degi málimet boıynsha Vozvyshenka eldi mekeniniń mańynda Aqqanburlyq ózeniniń sý deńgeıi bir táýlikte 85 sm-ge, Rýzaevka aýylynyń mańynda Sharlyq ózeni 73 sm-ge kóterilgen. Imanburlyq, ózeniniń de sý deńgeıi birtindep kóterilip keledi. Ázirge keler qaýip joq.

Esil ózeni deńgeıi Shóptikól aýylynyń mańynda tańǵy saǵat 8.00-de 331 sm bolsa, tórt saǵattan keıin ol 41 sm-ge joǵarylaǵan. 

Ózender muz qursaýynda jatyr. 

Sınoptıkterdiń boljamynsha, búgin-erteń óńirde jyly aýa raıy saqtalyp, synap baǵanasy +17 S deıin joǵarylamaq. Saldarynan avtojoldardy sý basý qaýpi bar. 

Buǵan deıin Petropavlda erigen qar sýy basýy múmkin shaǵyn aýdandarda jedel shtabtar qurylǵanyn jazǵan edik.

Сейчас читают