SQO-da er adam óz úıinde aıaq-qolyn úsitip aldy

PETROPAVL. KAZINFORM – Mamlıýtka qalasynda polıtsııa qyzmetkerleri 62 jastaǵy er adamdy qutqardy.

Soltústik Qazaqstan oblysy Polıtsııa departamenti baspasóz qyzmetiniń málimetinshe, Mamlıýtka qalasynda tártip saqshylary jaıaý patrýldeý barysynda eki páterli úıdi teksergen. Baspananyń bir bóliginde polıtsııanyń esebine maskúnem retinde alynǵan 62 jastaǵy er adam turyp kelgen. Peshi jaǵylmaǵan úıde búrisip jatqan oǵan dereý jedel járdem qyzmeti shaqyryldy. Dárigerler er adamnyń aıaq-qoly úsigenin anyqtady.

«Er adam qatty tońǵan, endi shamaly kesh tabylǵanda saldary aýyr bolar edi. Qazirgi ýaqytta dárigerler onyń jaı-kúıin turaqty dep baǵalaýda. Jaıaý patrýldeý kún saıyn júrgiziledi. Aıazdy kúnderi tipten kerek. Mundaıda esepke alynǵan turǵyndardy – alkogoldi ishimdikti qoldanyp, úsip qalý qaýpi bar adamdardy, sondaı-aq jalǵyz turatyn zeınetkerler men qıyn ómir jaǵdaıyndaǵy otbasylardy tekseremiz. Jumys quqyqtyq tártipti saqtaý jáne adamdardyń qaýipsizdigin nyǵaıtý úshin júrgizilip jatyr», – deıdi Mamlıýt aýdandyq polıtsııa bóliminiń bastyǵy Petr Klımov.

Buǵan deıin SQO-da qatty aıaz bastalǵan bes kúnniń ishinde 9 adamdy úsik shalǵanyn aıtqan edik.