SQO-da bıyl ınsýlt alǵandardyń sany artty

PETROPAVL. KAZINFORM – Soltústik Qazaqstan oblysynyń emdeý mekemelerinde bıyl ınsýlt dıagnozy qoıylǵan 161 adamǵa em-dom kórsetildi.

«Áleýmettik medıtsınalyq saqtandyrý qory» KEAQ SQOF baspasóz qyzmetiniń málimetinshe, bul naýqastardy aıaqqa turǵyzý úshin mindetti áleýmettik medıtsınalyq saqtandyrý aıasynda 75 mln teńgeden astam qarajat jumsaldy.

Mamandardyń aıtýynsha, oblysta ótken jyldyń uqsas kezeńimen salystyrǵanda bıyl ınsýlt alǵandar sany 15 adamǵa kóp.

– Insýlt –mı qan aınalymynyń jedel buzylýy, mıǵa qan ketýi. Saldarynan kóp jaǵdaıda múgedektikke ákeledi. Ýaqytyly emdelmese, bul patologııa mıdyń jumysyn aıtarlyqtaı buzyp, ólimge ákelip soqtyrýy múmkin. Osy dıagnozy bar naýqastar MÁMS aıasynda em qabyldaı alady. Ótken jyldyń 12 aıy ishinde 2035 naýqas emdeldi. Osy maqsatqa 769 mln teńgeden astam qarjy jumsaldy, - deıdi «Áleýmettik medıtsınalyq saqtandyrý qory» KEAQ SQOF dırektorynyń orynbasary Talǵatbek Tileýberdın.

MÁMS aıasynda ınsýlt alǵan naýqastar SQO-nyń 3 medıtsınalyq uıymynda sapaly medıtsınalyq kómek ala alady. Olardyń qatarynda, Taıynsha aýdandyq aýrýhanasy, kópbeıindi oblystyq jáne kópbeıindi qalalyq aýrýhana bar. Bıyl kópbeıindi oblystyq aýrýhananyń ınsýlt ortalyǵynda mundaı dıagnoz 77 adamǵa qoıylyp, olarǵa tıisti medıtsınalyq kómek kórsetildi.

– Insýlt alǵan adamdarda sóıleý qabileti men jutý refleksi buzylady. Aıta ketý kerek, sóıleý – bul adamnyń eń joǵary psıhıkalyq fýnktsııasy. Ony qalpyna keltirý kúrdeli jáne uzaq protsess. Biz naýqasty ońaltý aıasynda osy fýnktsııany qalpyna keltirý úshin jumys istep jatyrmyz. Zaqymdaný deńgeıine baılanysty sóıleý 6 aıdan bir jylǵa deıingi aralyqta qalypqa kelýi múmkin, - deıdi kópbeıindi oblystyq aýrahananyń ınsýlt ortalyǵynyń medıtsınalyq logopedi Evgenııa Zenchenko.

Esterińizge salaıyq, SQO-da ınsýlt alǵan er adam 4 syrqatqa donor bolǵan edi.