SQO-da bıyl 26 jasóspirim qyz bosandy

PETROPAVL. KAZINFORM – Soltústik Qazaqstan oblysynda jasóspirim qyzdardyń júkti bolyp qalý faktileri shamamen eki ese azaıǵan.

SQO-nyń shtattan tys akýsher-gınekology Elena Kalıýjnaıanyń aıtýynsha, bul – oblysta jasóspirimdermen júıeli túrde júrgizilip jatqan aldyn alý jumysynyń nátıjesi.

- Bıyl óńirde shamamen 4 500 áıel bosandy. Onyń ishinde 26-sy jasóspirim. 2023 jyly 46 qyz júkti bolǵan edi. Mundaı jaǵdaılarǵa jol bermeý úshin dárigerler ata-analarmen jáne bilim basqarmasymen birge jumys istep keledi, - deıdi Elena Kalıýjnaıa.

Mamannyń aıtýynsha, oblysta 2 myń abort jasaldy. Olardyń ishinde 500 jaǵdaı — medıtsınalyq kórsetkishterge baılanysty. 30 jastan asqan áıelder arasynda júktilikti jasandy jolmen úzý sany – 1 300. Jasóspirimder arasynda 8 adamǵa abort jasalǵan. Bul - 2023 jylmen salystyrǵanda shamamen eki ese tómen.

- Oblys aýmaǵynda 13 aýdandyq aýrýhana, emhana, 6 qalalyq emhana, sondaı-aq kópbeıindi oblystyq aýrýhana men jedel medıtsınalyq kómek aýrýhanasy jumys isteıdi. Barlyq emhanada otbasyn josparlaý kabınetteri bar. Bul kabınetterde jasóspirimder men aýyr ekstragenıtaldy patologııamen tirkelgen áıelderge tegin kontratseptsııa quraldary beriledi. Sonymen qatar jasandy túsikten keıingi keńes berý qyzmetteri de tegin usynylady, - deıdi akýsher-gınekolog.

Buǵan deıin elimizde ár altynshy otbasynda bedeýlik máselesi bar ekenin jazǵan edik.