SQO-da ákimdiktiń burynǵy qyzmetkerleri 46 mln teńge jymqyrǵan

ASTANA. KAZINFORM –  Ákimdiktiń burynǵy qyzmetkerleri memleket bıýdjetinen 46 mln teńgeden astam qarajat urlaǵan. Bul týraly Soltústik Qazaqstan oblysynyń prokýratýrasy habarlady. 

2025 jylǵy 3 aqpanda sot qyzmet babyn paıdalana otyryp, aldyn ala sóz baılasý arqyly bir top adamdardy asa iri kólemde bıýdjet qarajatyn urlaý isi boıynsha úkim shyǵardy.

Іsti Soltústik Qazaqstan oblysynyń prokýratýrasy tekserdi.

Sotta bultartpas aıǵaqtardyń bolýyna qaramastan, úsh aıyptalýshy jasaǵan qylmystary boıynsha óz kinálaryn moıyndamaı, jasaǵan qylmysyna ókingen joq.

Osyǵan qaramastan, memlekettik aıyptaý taraptar «K», «T», «D» aldaý jáne senimge qııanat jasaý arqyly memleketke 46 mln teńgeden astam shyǵyn keltirip, múlikti urlaǵanyn dáleldedi.

Petropavl qalalyq soty prokýratýranyń pikirimen kelise otyryp, olardy 6,6 jyldan 6,8 jylǵa deıingi merzimge naqty bas bostandyǵynan aıyrýǵa sottap, olardan keltirilgen materıaldyq shyǵyndy óndirip aldy.

Úkim zańdy kúshine endi.

Aıta ketelik UQK-niń jańa qyzmeti bir aıda sybaılas jemqorlyqqa qatysty 17 qylmystyq is qozǵady.