SQO-da 67 jastaǵy áıelge izdeý jarııalandy

PETROPAVL. QazAqparat – Soltústik Qazaqstan oblysynda 67 jastaǵy Elena Mıronıýkke izdeý jarııalandy. Ol osydan on kún buryn úıinen shyǵyp ketip, qaıtyp oralmaǵan, dep habarlaıdy QazAqparat tilshisi.

Óńir volonterleriniń aıtýynsha, Elena Mıronıýk – Petropavl turǵyny. 67 jastaǵy áıel 3 sáýir kúni saǵat 9:00 shamasynda oblys ortalyǵyndaǵy Bostandyq kóshesi, 23 mekenjaıyndaǵy úıinen shyǵyp, habarsyz ketken.

Zeınetkerdiń boıy 175 sm shamasynda, shymyr deneli, qysqa aq shashty, qoı kózdi. Moınynda kóptegen papılloma bar. Sol kúni ústinde aqshyl qyzǵylt tústi bas kıim, qara qońyr tústi ton, jasyl bókebaı, qara báteńke bolǵan. Ózimen birge jeke kýáligin alǵan, qolynda qara sómkesi bar.

Elena Mıronıýkti kórgen-bilgender 8 777 307 99 65, 8 926 626 64 33 nemese 102 nómirine habarlasa alady.

Buǵan deıin 27 jastaǵy Ǵızat Ysqaqovqa izdeý jarııalanǵanyn jazǵan edik. Petropavl turǵyny 8 naýryz kúni eshkimdi eskertpesten páterden shyǵyp ketip, qaıtyp oralmaǵan. Jigitti izdeýge polıtseılerden bólek volonterler de jumyldyryldy. Olar áleýmettik jeli arqyly joǵalǵan er adamnyń fotosyn jarııalap, turǵyndardan aqparatty taratýǵa kómek surady. Er adam 17 kúnnen keıin aman-esen tabyldy.