SQO-da 42 jastaǵy áıel ózin órtep, aýyr kúıikpen aýrýhanaǵa jetkizildi
PETROPAVL. KAZINFORM – Soltústik Qazaqstan oblysy Aqqaıyń aýdanynyń turǵyny ózin órtep jibermek boldy.
Aýyr kúıik shalǵan áıeldiń ómiri úshin qazir dárigerler kúresip jatyr.
Oqıǵa 30 sáýir kúni túngi saǵat 2:00 shamasynda Astrahanka aýylynda bolǵan. 1984 jyly týǵan áıel ústine benzın quıyp, ózin órtep jibermekshi bolǵan.
SQO Densaýlyq saqtaý basqarmasy baspasóz qyzmetiniń málimetinshe, áıeldiń denesiniń 80-90% kúıip qalǵan. Jaǵdaıy óte aýyr. Biraq esin biledi.
– Aqqaıyń aýdandyq aýrýhanasynan sanavıatsııamen Petropavl qalalyq kópbeıindi aýrýhanaǵa jetkizildi. Ákelgenine kóp bolǵan joq, qazir dárigerler tekserip jatyr, - deıdi baspasóz hatshysy Gúlnar Qalıeva.
SQO Polıtsııa departamenti baspasóz qyzmetiniń málimetinshe, osy fakti boıynsha polıtsııa sotqa deıingi tergeýdi bastady. Oqıǵanyń mán-jaıy anyqtalady, qajetti tergeý áreketteri júrgizilip jatyr.
QR Qylmystyq kodeksiniń 105 baby (Ózin-ózi óltirýge deıin jetkizý) boıynsha qylmystyq is qozǵaldy.
Buǵan deıin Qostanaı oblysynda áıeli men balasyn óltirgen er adam ómir boıyna sottalǵanyn jazǵan edik.
