SQO-da 15 jasar jasóspirim qoldan jasalǵan qarýmen atylyp qaldy
PETROPAVL. KAZINFORM — Soltústik Qazaqstan oblysynda 15 jasar balanyń ózine qol jumsaýyna baılanysty qylmystyq is qozǵaldy.
Áleýmettik jelide balanyń úıde jalǵyz bolǵandyǵy aıtylady. Qansyraǵan balany ákesi taýyp alǵan. Jasóspirim qoldan jasalǵan pıstoletpen atylyp qalǵan.
SQO Polıtsııa departamenti baspasóz qyzmetiniń málimetinshe, oqıǵa Jambyl aýdany Presnovka aýylynda bolǵan. Qazir kámeletke tolmaǵan balanyń ólimine qatysty qylmystyq is qozǵaldy.
Polıtsııa qyzmetkerleri bolǵan oqıǵanyń mán-jaıy men sebepterin anyqtaý úshin barlyq qajetti tergeý is-sharalaryn júrgizip jatyr.
— Qazaqstan Respýblıkasynyń Qylmystyq-protsessýaldyq kodeksiniń 201-babyna sáıkes, ózge málimetter jarııa etýge jatpaıdy, — deıdi tártip saqshylary.
Buǵan deıin SQO-da 4 adamnyń donerden ýlanyp qalǵanyn jazǵan edik.