SQO burynǵy ákimi sottalyp jatyr
KÓKShETAÝ. KAZINFORM — Kókshetaý qalalyq sotynda Soltústik Qazaqstan oblysynyń burynǵy ákimi, Senattyń eks-depýtaty Samat Eskendirovke qatysty sot protsesi ótip jatyr.
Aqmola oblysy sotynyń baspasóz qyzmetiniń málimetinshe, sot protsessi osy jyldyń 3-shi maýsymynda bastalǵan.
«Sottalýshyǵa QR Qylmystyq kodeksiniń 4-babynyń 2-bólimshesi „asa iri kólemde alaıaqtyq jasaý“ boıynsha aıyp taǵylyp otyr. Qazirgi kezde sot jábirleýshilerden jaýap alyp jatyr. Kelesi sot otyrysy 2024 jyldyń 31 shildesine josparlanǵan», — dep túsindirdi vedomstvodan.
Tergeý málimeti boıynsha, ol Aqmola oblysynyń Býrabaı aýdanyndaǵy Aqylbaı aýyly turǵyndarynyń jerin bankke zańsyz kepildikke ótkizip jibergen.
Aıta ketsek, Samat Eskendirov uzaq jyldar boıy SQO birqatar aýdandarynyń ákimi boldy.
2011 jyly QR Parlamenti Senatynyń depýtaty, 2013 jyly Soltústik Qazaqstan oblysynyń ákimi qyzmetin atqardy.
Qaramaǵyndaǵy joǵary laýazymdy sheneýnikterdiń jemqorlyqpen ustalýyna baılanysty 2014 jyly qyzmetinen ketti.
Eske salaıyq, munyń aldynda Aqmolada alaıaqtyq jasady degen kúdikpen túrme bastyǵy ustalǵan edi.
