Sırııadan qazaqstandyq eki otbasy evakýatsııalandy
ASTANA. 21 aqpan. QazAqparat - Keshe, 20 aqpanda Sırııa Arab Respýblıkasynan qazaqstandyq eki otbasy evakýatsııalandy, dep habarlady Iordanııadaǵy QR elshiliginen.
Qarýly shıelenis bastalǵansha Aleppo qalasynda turyp kelgen olar jaǵdaıdyń odan ári ýshyǵa túsýine baılanysty jáne turyp jatqan aýdandarynda úılerinen aırylǵan soń Qazaqstanǵa ketý týraly sheshim qabyldaǵan. Aıta keterlik jaıt, Aleppo ekijaqty teke-tireste asa aýyr shaıqastar júrip jatqan qalalardyń biri. Qazirgi ýaqytta Sırııadaǵy qarýly qaqtyǵys saldarynan 70 myńnan astam adam qaza tapty.
Jalpy osy kúnderi Sırııadan Qazaqstanǵa attandyrylǵan otandastarymyzdyń jalpy sany 150-den asty. Qazaqstan Respýblıkasynyń Iordan Hashımıt Koroldigindegi elshiligi qazaqstandyq azamattardy Sırııadan shyǵarý jumystaryn jalǵastyrýda. Sondaı-aq Lıvandaǵy ókildik pen Túrkııadaǵy elshilik te bul baǵyttaǵy is-sharalarda aýqymdy kómek kórsetýde.
