Sıngapýr 12-ret álemdegi eń qaýipsiz el atandy
ASTANA. KAZINFORM — Sıngapýr 2006 jyldan beri 12-shi ret jahandyq qaýipsizdik reıtınginde I oryndy ıelendi, dep habarlaıdy Sınhýa.
Bul týraly beısenbi kúni jarııalanǵan Gellap ınstıtýtynyń Jahandyq qaýipsizdik esebinde kórsetilgen.
2024 jyly sıngapýrlyqtardyń 98 paıyzy túnde jalǵyz serýendegen kezde ózderin qaýipsiz sezinetinderin aıtqan. Bul — Gellap ınstıtýty tirkegen álemdegi eń joǵary kórsetkishterdiń biri. Esepte Sıngapýr turǵyndarynyń qaýipsizdik sezimi boıynsha turaqty joǵary deńgeı saqtalyp kele jatqany atap ótilgen.
Saýalnama nátıjesinde erler men áıelderdiń qaýipsizdik sezimi birdeı deńgeıde ekeni baıqaldy: 2024 jyly er azamattardyń 98 paıyzy, al áıelderdiń 97 paıyzy ózderin qaýipsiz sezingen.
Esepte bul kórsetkishter qylmystyń tómen deńgeıimen, quqyq qorǵaý organdarynyń tıimdi jumysymen jáne qoǵamdyq tártiptiń joǵary bolýymen túsindiriledi.
Budan buryn Julius Baer bankiniń 2025 jylǵy baılyq pen ómir salty týraly baıandamasyna sáıkes, Sıngapýr úshinshi jyl qatarynan ál-aýqattylar úshin ómir súrý quny eń qymbat qala retinde tanyldy.
Aıta keteıik, byltyr Senat Sıngapýrmen aradaǵy alys-beristiń baj salyǵyn jeńildetetin zańdy maquldady.