Silk Way Star: Qazaqstan ánshisi top jardy
ASTANA. KAZINFORM — Silk Way Star jobasynyń ekinshi kezeńinde qazaqstandyq qatysýshy úzdik óner kórsetti. Búgingi esep boıynsha el namysyn qorǵap jatqan Alem 124 upaı jınady.
«Take on me» ánin oryndaǵan ánshi qazylar alqasynyń júregin jaýlap aldy.
– Denem titirkenip ketti, daýysyń keremet. Bıiń, harızmań, energetıkań tamasha. Ári symbattysyń. Naǵyz fantastıkalyq shoý boldy. Sen Silk Way Star jobasynyń naǵyz juldyzysyń. Alǵashqy kezeńde álsizdeý óner kórsetip ediń. Ekinshi kezeńde seniń ónerińdi kúttik. Kútkenimizdeı oryndaý boldy, búgin jarqyradyń, - dedi ádilqazy músheleri.
Eki kezeń qorytyndysy boıynsha 236 upaımen Qazaqstan 2-orynǵa jaıǵasty.
Aıta keteıik, Alem-men birge Armenııadan kelgen Saro Gevorıan da úzdik atandy. «It's a Man's Man's Man's World» ánin tyńdarman nazaryna usynǵan ónerpaz joba baǵalaýshylaryn qaıran qaldyrdy.
Buǵan deıin ázerbaıjandyq ánshiniń Silk Way Star jobasymen qosh aıtysqanyn jazaǵan edik.