Silk Way Star: ártister Astanaǵa kelip jetti

ASTANA. KAZINFORM — Astanaǵa «Silk Way Star» — Azııa memleketteri arasynda alǵash uıymdastyrylǵan mýzykalyq baıqaýǵa qatysýshylardyń basym kópshiligi kelip jetti. Bul – Armenııa, Ózbekstan, Grýzııa, Túrikmenstan jáne Tájikstan ókilderi. Bul týraly Jibek Joly habaralady.

Sonymen qatar, Ońtústik Koreıadan kelgen Kandis toby da bar. Silk Way Star komandasy mýzykanttardy qazaqy qonaqjaılylyqpen qarsy aldy: ártisterge baýyrsaq usynylyp, dombyrada kúı oınaldy.

Óz suhbattarynda ártister mundaı aýqymdy jobaǵa qatysý – olar úshin úlken mártebe ekenin atap ótti.

— Men sahnada ne isteıtinimdi aldyn ala bilmeımin – bul men úshin árdaıym tosynsyı! Iá, men buǵan deıin de Qazaqstanda, naqtyraq aıtsam, Astanada bolǵanmyn jáne bul qalany óte jaqsy kóremin, – dedi Silk Way Star baıqaýyna qatysýshy, Grýzııadan kelgen Avtandıl Abeslamıdze.

— Bul biz úshin osyndaı aýqymdy jobaǵa alǵashqy qatysýymyz jáne ol shynymen de erekshe – mundaı múmkindik ómirde bir-aq ret bolady. Biz bul baıqaý bizdi ártis retinde damytady dep senemiz, óıtkeni alda – halyqaralyq aýdıtorııa aldynda óner kórsetý, – dedi Ońtústik Koreıalyq Kandis tobynyń músheleri.

Búgin túnde Malaızııadan kelgen ánshi ıAsmın Azız de ushyp kelýi tıis – osylaısha, barlyq qatysýshylar jınalady. Jobaǵa barlyǵy 12 eldiń oryndaýshylary qatysyp, jeńis úshin baq synaıdy. Túsirilim 26 tamyzda bastalady.

Aıta keteıik, halyqaralyq «Silk Way Star» baıqaýy Azııanyń birneshe elderiniń telearnalarynda kórsetiledi. Qazaqstan atynan baıqaýǵa ánshi Alem qatysady.