Shyńjańda eki adam koronavırýs juqtyrdy

BEIJІŃ. QazAqparat – QHR-nyń Shyńjań-Uıǵyr avtonomııalyq ólkesinde (ShUAÓ) koronavırýstyń jańa túrin juqtyrǵan eki jaǵdaı tirkeldi. Olar Ýhan qalasyna barǵan, dep habarlaıdy QazAqparat «Tıanshannet»-ke silteme jasap.

Vırýs juqtyrǵandar — 47 jáne 52 jastaǵy eki er adam. Qazirgi ýaqytta naýqastar aýrýhanada jatyr.

Olarmen úsh adam tyǵyz baılanysta bolǵan. Qazir dárigerler sol adamdardyń densaýlyǵyn baqylap otyr.

23 qańtar kúngi málimet boıynsha, Qytaıda koronavırýstyq ınfektsııany juqtyrýdyń 571 jaǵdaıy tirkelgen, olardyń 444-i — Hýbeı provıntsııasynda. Kóz jumǵan 17 adam osy aýdannan.

Búginde koronavırýstyń jańa túrin juqtyrý oqıǵalary Tıbet avtonomııalyq aımaǵyn jáne kórshiles Tsınhaı provıntsııasyn qospaǵanda, QHR-dyń barlyq ákimshilik-aýmaqtyq birlikterinde tirkelgen.

QHR SІM Ýhanda sheteldik azamattardyń bolýyna baılanysty jaǵdaıǵa túsinikteme berip, beısenbide turǵyndardyń atalǵan qaladan ketýine ýaqytsha tyıym salǵany týraly habarlap, bul másele jergilikti bıliktiń quzyretinde ekenin aıtty.

Sonymen qatar, SІM-niń resmı ókili Gen Shýang «Qytaı taraby eldegi sheteldikterdiń zańdy quqyqtaryn qamtamasyz etetinin» habarlady.

Avtor:

Rýslan Sýleımenov