Shomylý maýsymy bastalǵaly 70 adam sýǵa ketti – TJM
ASTANA. KAZINFORM – Bıyl elimizde shomylý maýsymy bastalǵaly balalardyń sýǵa ketýi jıilep otyr. Bul týraly TJM Azamattyq qorǵanys jáne áskerı bólimder komıteti tóraǵasynyń orynbasary Aqylbek Ahmetjanov málim etti.
«Shomylý maýsymy bastalǵaly 70 adamnyń ajaly sýdan keldi. Onyń ishinde 30 bala bar. Ótken jyly 83 adam sýǵa ketip qaıtys bolǵan. Bıyl sýǵa ketken balanyń sany ótken jylmen salystyrǵanda kóp», - dedi Aqylbek Ahmetjanov Ortalyq kommýnıkatsııalar qyzmeti alańynda ótken baspasóz máslıhatynda.
TJM ókiliniń aıtýynsha, sýǵa ketken balalardyń deni qaraýsyz qalǵan nemese ruqsat etilmegen jerde shomylǵan.
«Degenmen jyl saıyn sýǵa batyp qaıtys bolǵandar sany azaıyp keledi. Atap aıtqanda, 2021 jyly 3 paıyzǵa, 2022 jyly 42 paıyzǵa, 2023 jyly 4 paıyzǵa, bıyl 15 paıyzǵa tómendedi. Deı turǵanmen, ár statıstıkanyń artynda adam ómiri men jaqyndarynyń qaıǵysy turǵanyn umytpaýymyz kerek. Sońǵy 10 jylda 2 myńnan astam adamnyń ómiri sýdan qıylyp otyr (2 240 eresek, 701 bala)», - deıdi ol.
