ShQO turǵynynyń peshinen marıhýana tabyldy

ÓSKEMEN. QazAqparat – Shyǵys Qazaqstan oblysy Rıdder qalasynyń turǵyny peshke marıhýana jasyrǵan, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «Quqyqtyq tártip» jedel aldyn alý sharasy barysynda Rıdder qalalyq polıtsııa bóliminiń saqshylary esirtki saqtaǵan 43 jastaǵy er adamdy anyqtady.

«Shahar turǵyny esirtkini pesh artyndaǵy plastıkalyq bótelkede saqtaǵan. Saraptama nátıjesine sáıkes, tárkilengen zat jalpy salmaǵy 471,99 grammdy quraıtyn keptirilgen marıhýana bolyp shyqty», - dep habarlady vedomstvo ókilderi.

Qazirgi ýaqytta atalǵan fakti boıynsha QR Qylmystyq Kodeksiniń 296-baby 3-bóligine sáıkes sotqa deıingi tergeý amaldary júrgizilýde.