LRT jelisi Qosshy baǵytyna qaraı salyna bastady
ASTANA. KAZINFORM — Elordada LRT jobasynyń ekinshi kezeńi iske asyryla bastady. Qosshy qalasyna qaraı sozylatyn jańa jeliniń alǵashqy tiregi quıylyp, qurylys jumystary qarqyn aldy.
Bul — qala men irgeles eldi mekendi baılanystyratyn estakadalyq joldyń alǵashqy nysany. Sonymen qatar Astanadaǵy beton zaýytynda osy jelige arnalǵan alǵashqy temirbetondy arqalyq daıyndaldy.
Qosshy baǵyty boıynsha qurylys aýqymy óte úlken. Mamandardyń málimetinshe, bul ýchaskede 300-den astam tirek turǵyzylady, 538 temirbetondy estakadalyq arqalyq montajdalady jáne 8 monolıtti arqalyq ornatylady.
Qosshy baǵytyndaǵy LRT jelisi iske qosylǵanda, qala mańyndaǵy halyqtyń qatynaýy edáýir jeńildep, jol keptelisi máselesi ońtaıly sheshimin tabady degen úmit bar.
Qazirgi ýaqytta qurylys nysanynda qajetti materıaldardy daıyndaý jáne montajdaý jumystary kezeń-kezeńimen júrip jatyr.
Eske sala keteıik, elorda ákimi Jeńis Qasymbek Astana LRT-nyń synaq jumysy aıaqtalyp, júıe tolyqtaı paıdalanýǵa daıyn ekenin aıtqan edi.
Sondaı-aq 28 sáýirden bastap Astana qalasy oqýshylary men jeńildik sanattaryna arnalǵan LRT ataýly kólik kartasyn rásimdeýge onlaın ótinim berý qyzmeti iske qosylatynyn jazǵanbyz.
