ShQO turǵynynan 4 keliden astam marıhýana tárkilendi

ÓSKEMEN. KAZINFORM - ShQO turǵynynan 4 keliden astam marıhýana tárkilendi. Bul týraly Polisia.kz habarlady. 

Shyǵys Qazaqstan oblysynyń polıtsııa qyzmetkerleri jeke tutyný maqsatynda iri kólemde esirtki zatyn daıyndaǵan er adamdy ustady.

Jedel is-sharalar barysynda odan 4 keliden astam keptirilgen marıhýana tárkilengen. Tyıym salynǵan zatty ol óz úıiniń aýmaǵynda – shatyrynda jáne jazǵy asúıinde saqtaǵan. 

Sotqa deıingi tergeý barysynda kúdikti óz kinásin moıyndady. Qazirgi ýaqytta ol ustalyp, ýaqytsha ustaý ızolıatoryna qamaldy.

Polıtsııa azamattardy salaýatty ómir saltyn ustanýǵa jáne esirtkiden bas tartýǵa shaqyrady. 

Eske sala keteıik, buǵan deıin Shymkentte esirtki taratqan eki áıel ustalǵanyn jazǵan edik.