ShQO polıtsııasy urlanǵan telefondardy satatyn oryndardy anyqtady

ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri saýda dúńgirshekterinen urlanǵan 11 uıaly telefondy tapty, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, ІІM múlikti qorǵaý boıynsha baǵdarlamasyn iske asyrý maqsatynda Óskemen jáne Semeı qalalarynda urlanǵan telefondardy satýdyń jolyn kesýge baǵyttalǵan shara júrgizildi.

«Jedel ýákilder paıdalanylǵan telefondardy satatyn 42 orynǵa bardy. Nátıjesinde, 800-ge jýyq telefon tekserilip, onyń 11-i qylmystyq is boıynsha ótip jatqany belgili boldy. Smartfondar tárkilenip, sotqa deıingi tergep-tekserý materıaldaryna tirkeldi», - dep habarlady vedomstvo ókilderi.

Sonymen qatar polıtsııa qyzmetkerleri dúńgirshek ıelerimen jáne uıaly telefon satýshylarmen qylmystyq jolmen tabylǵan múlikti satyp alǵany nemese ótkizgeni úshin jaýapqa tartylatyndyǵy týraly túsindirý jumystaryn júrgizdi.