ShQO-daǵy 9 mektep apattyq jaǵdaıda tur
ÓSKEMEN. QazAqparat – Shyǵys Qazaqstan oblysyndaǵy bilim berý mekemelerinde dástúrli formatta oqytýǵa kóshý úshin daıyndyq jumystary júrgizilýde, dep habarlaıdy QazAqparat tilshisi.
ShQO Bilim salasyndaǵy sapany qamtamasyz etý departamentiniń basshysy Zeınep Mahsýtovanyń aıtýynsha, búginde 647 mektep tekserilgen. Onyń ishinde 154 qalalyq jáne 493 aýyldyq mektep bar.
«Óńir boıynsha bilim berý mekemeleri ǵımarattarynyń jaǵdaıyn tekserý barysynda apattyq jaǵdaıdaǵy 9 jáne úsh aýysymmen oqytýǵa kóshý qaýpi bar 2 mektep anyqtaldy. Qazirgi ýaqytta oblys ákimdiginde atalǵan máseleni sheshý boıynsha tıisti jumys atqarylyp jatyr. Naqty aıtqanda, apatty dep tanylǵan mektepterdiń ornyna jańalarynyń qurylysy bastalady», - deıdi Zeınep Mahsýtova.
Onyń aıtýynsha, barlyq mektepterde bilim alýshylarǵa medıtsınalyq qyzmetti densaýlyq saqtaý uıymdary lıtsenzııa nemese shart negizinde kórsetedi. Búginde 647 mekteptiń 410-y (63,3%) medıtsınalyq qyzmet kórsetý lıtsenzııasyna ıe.
Al 223 bilim ordasy densaýlyq saqtaý uıymdarymen kelisimshartqa otyrǵan.
