ShQO-da sottalǵandar jasaǵan ónimderdiń kórmesi ótti
ShQO boıynsha Qylmystyq-atqarý júıesi departamenti baspasóz qyzmetiniń málimetine súıensek, kórmede sottalǵandardyń metall jáne aǵashtan jasaǵan ónimderi qoıyldy. Sondaı-aq jıhazdar, onyń ishinde mektepterge, keńselerge arnalǵan ústel-oryndyqtar da kelýshilerdiń nazaryna usynylǵan.
Túrme tsehtary metaldy jáne aǵashty óndeý, kesý úshin frezerlik, lazerlik qondyrǵylarmen jabdyqtalǵan. Bul tapsyrys berýshiniń kez kelgen suranysyn qanaǵattandyryp, sapaly ónim shyǵarýǵa múmkindik beredi. Barlyq ónimder taza ekologııalyq shıkizattan jasalyp, memlekettik sapa standarttaryna sáıkes keledi.
«Búginde mekemeniń óndiristik qabileti aıtarlyqtaı joǵary deńgeıde. Seriktesterge bos óndiris oryndaryn, olarǵa daıyn ınfraqurylymy bar alańdardy usynýǵa daıynbyz. Bizde jazasyn ótep jatqan azamattardyń eńbek etýge degen yqylasy erekshe. Osyndaı kórmeler ónimge degen suranysty arttyra túsedi degen senimdemiz», - deıdi OV 156/6 mekemesiniń bastyǵy Qýanysh Aǵysbaev.
Aıta keteıik, búgingi tanda qaýipsizdigi joǵary túzetý mekemesinde sottalǵandardyń 70%-ǵa jýyǵy jumyspen qamtylǵan.
