ShQO-da sheteldik 9 azamat elden shyǵaryldy
ÓSKEMEN. QazAqparat – Shyǵys Qazaqstan oblysynda sheteldik 9 azamat elden shyǵaryldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jyl basynan beri zań talaptaryn saqtamaǵan 9 sheteldik azamat el aýmaǵynan shyǵarylǵan. Qazirgi ýaqytta olardyń 5-i túzetý mekemelerinen bosatyldy.
«Máselen, 20 sáýirde Jarma aýdandyq sotynyń sheshimi boıynsha Ózbekstan Respýblıkasynyń azamatshasy elden shyǵarylǵan. Ol 2011 jyly esirtki zattaryn zańsyz satyp alǵany jáne tasymaldaǵany úshin sottalǵan bolatyn. Áıel jazasyn OV 156/18 mekemesinde ótedi. Qoldanystaǵy zańnamaǵa sáıkes aıyptalýshyǵa QR aýmaǵyna 5 jyl merzimge kirýine tyıym salyndy», - delingen habarlamada.
Kóshi-qon qyzmetiniń mamandary sheteldikterdiń oblys aýmaǵynda bolýyna únemi baqylaý júrgizýde. Jyl basynan beri QR zańnamasyn buzǵany úshin 206 azamat ákimshilik jaýapkershilikke tartylǵan.
