Izraıl Gaza sektoryndaǵy baqylaýyn keńeıtip jatyr
ASTANA. KAZINFORM — Álem nazary Iranmen bolyp jatqan qatqyǵysqa aýǵan shaqta, Gaza sektoryndaǵy ahýal kúrdeli kúıinde qalyp otyr. Atysty toqtatý jónindegi kelisimge qaramastan, Izraıl áskeri anklav ishine qaraı ilgerilep barady, dep habarlaıdy Aljazeera.
Áskerı kúshter taraptardyń baqylaý aımaqtaryn bólip turýy tıis «sary syzyq» atalyp ketken shartty belgiden ótip ketti.
Mamandardyń aıtýynsha, mundaı qadamdar uzaqmerzimdi áskerı baqylaý ornaýy múmkin degen alańdaýshylyqty kúsheıtip, jańa aýqymdy operatsııalarǵa jol ashýy yqtımal.
Forensic Architecture sarapshylary óńirdegi áskerı belsendiliktiń artqanyn aıtyp, onyń Gaza turǵyndarynyń bolashaǵyna yqpalyn saralap jatyr.
- Osy ýaqytta halyqaralyq aqparat quraldarynyń nazary ózge oqıǵalarǵa aýǵanymen, aımaqtaǵy jaǵdaı ózgerip jatyr, -delingen habarlamada.
Osyǵan deıin Gaza sektorynda qaza tapqandar sany 72 553 adamǵa jetkeni týraly jazdyq.
